Velkomin á heimasíðu Sambands íslenskra prófunarstofa, SÍP. Hér er að finna fréttir af helstu viðburðum sambandsins, tilkynningar frá stjórn og ýmsar aðrar upplýsingar sem geta gagnast aðilum SÍP.
Markmið SÍP eru eftirfarandi:
- Að gæta hagsmuna prófunarstofa og vera skipulagður samskiptavettvangur milli prófunarstofa og annarra aðila sem prófunarstarfsemi varðar.
- Að stuðla að tæknilegu samstarfi milli prófunarstofa og annarra hlutaðeigandi stofnana til þess að flýta þróun og samræmingu prófunaraðferða og samræmdri notkun þeirra.
- Að stuðla að gagnkvæmri viðurkenningu prófunarniðurstaðna með því að byggja upp traust milli aðila og stuðla að almennri notkun staðla og gæðakerfa innan starfsgreinarinnar auk vottunar og faggildingar þar sem slíkt á við.
- Að stuðla að eflingu prófunarstarfsemi hér á landi til gagns fyrir íslenskt samfélag, m.a. með yfirfærslu upplýsinga frá evrópskum prófunarstofum og samtökum þeirra.
- Að vinna að bættri menntun innan starfsgreinarinnar.
Íslenskar prófunarstofur sem annast prófanir eða mælingar geta orðið aðilar að sambandinu.
SÍP er aðili að EUROLAB og EURACHEM