Ágætu meðlimir SÍP.

Vakin er athygli á mjög gagnlegum upplýsingum á vefsíðu Eurolab, http://www.eurolab.org/, meðal annars má nefna svokallaðar „Eurolab cookbooks“ sem eru stuttar lýsingar á gæðamálum prófunarstofa og ætlaðar eru til að auðvelda prófunarstofum að uppfylla ISO/IEC 17025.
Sjá:  http://www.eurolab.org/cookbooks.aspx
 

Aðalfundur SÍP var haldinn þriðjudaginn 5. júní sl. Mæting verður að teljast góð en fulltrúar frá um 50% þeirra fyrirtækja sem eru aðilar að sambandinu voru mættir.

Formaður, meðstjórnendur og skoðunarmaður reikninga voru allir endurkjörnir.

Formaður greindi frá starfsemi liðins árs og sagði frá aðalfundi EUROLAB. Á meðal þess sem kom fram í þeirri kynningu var að EUROLAB vinnur að handbók um öryggi og heilsu á rannsóknarstofum. Bókin verður aðgengileg öllum á heimasíðu EUROLAB þegar þar að kemur en reiknað er með að það verði fyrr en síðar.

Einnig kom fram að á heimasíðu EUROLAB má finna ýmiss konar gagnlegt efni, s.s. um óvissuútreikninga, handbækur o.fl. (hér).

Boðað hefur verið til aðalfundar SÍP árið 2012. Fundurinn verður þriðjudaginn 5. júní kl. 15 hjá Nýsköpunarmiðstöð Íslands að Keldnaholti. Hefðbundin aðalfundarstörf.

Árlegur fræðslufundur félagsins var haldinn 22. febrúar s.l. Að þessu sinni fjallaði fjallaði hann um prófunarstarfsemi hjá álverinu í Straumsvík.  Alcan leggur mikinn metnað í að framleiða sérhæft hágæðaál og stýringu á gæðum í samræmi við óskir viðskiptavina.

Góð þátttaka var á fundinum eða um 20 manns. Fræðst var um prófunaraðstöðu, gæðastjórnun og prófun á framleiðsluvörum fyrirtækisins.

Aðalfundur SÍP árið 2011 var haldinn þriðjudaginn 17. maí. Dagskráin var hefðbundin:
1. Fundargerð síðasta aðalfundar var samþykkt.
2. Flutt var skýrsla stjórnar um starfsemi félagsins á síðasta ári.
3. Reikningar félagsins voru lagðir fyrir af gjaldkera og samþykktir.
4. Ákvörðun um félagsgjald. Lagt var til að árgjald næsta árs verði óbreytt.
5. Formaður kosinn. Aðalsteinn gaf kost á sér og var einróma kjörinn.
6. Stjórnarmenn. Allir núverandi stjórnarmenn gáfu kost á sér til áframhaldandi setu þau Elísabet Sólbergsdóttir, Stefán Björnsson, Þorbjörg Hólmgeirsdóttir og Heiða Pálmadóttir.
7. Skoðunarmaður reikninga María Sólbergsdóttir, óbreytt frá fyrra ári.
8. Engar lagabreytingar höfðu komið fram.
9. Engin önnur mál komu til umræðu. Næsti fundur stjórnar fyrirhugaður í lok ágúst.

Þriðjudaginn 22. febrúar 2011 bauð Össur félögum í SÍP í heimsókn. Í boði var höfðinglegur morgunverður og að honum loknum var kynning á starfsemi fyrirtækisins. Endað var á skoðunarferð um höfuðstöðvarnar og aðstaða til ýmiss konar framleiðslu og prófana skoðuð en prófunaraðstaða Össurar var nýlega stækkuð. Um 20 félagsmenn mættu og mæltist heimsóknin vel fyrir.

Bent er á að komið er út nýtt fréttabréf frá EUROCHEM. Fréttabréfið er komið inn á heimasíðu SÍP og má nálgast hér.

Dagana 28. og 29. september n.k. verður haldið námskeið um starf rannsóknarmanna. Námskeiðið verður hjá Nýsköpunarmiðstöð Íslands frá kl. 9.00 til 13.00 báða dagana.

Skráning stendur yfir.

Nánar má kynna sér uppbyggingu námskeiðsins hér:
rannsóknarmenn lýsing á námi.docx

Kostnaður er 25 þús. kr. fyrir hvern þátttakanda.