My Green Lab í samstarfi við Eurolab standa fyrir vefráðstefnu 8. júní 2023 um aukna sjálfbærni rannsóknarstofa.

My Green Lab Summit 2023

Við hvetjum alla áhugasama félaga til þess að taka þátt.

Eurolab stóð fyrir vefráðstefnu um örplast: “MICROPLASTICS: regulations, standards and the role of laboratories” í febrúar 2023

Ýmsir áhugaverðir fyrirlestrar stóðu til boða og má nálgast þá hér EUROLAB webinar on microplastics

 

Ágætu félagar!

Aðalfundur  SÍP verður haldinn miðvikudaginn 7. júní 2023 kl. 15.00.

Fundurinn verður í húsakynnum Rannsóknarstofu Mannvits, Víkurhvarfi 8, 203 Kópavogi.

 

DAGSKRÁ

1. Fundargerð síðasta aðalfundar lögð fram til samþykktar.
2. Formaður skýrir frá störfum félagsins á liðnu ári.
3. Gjaldkeri leggur fram endurskoðaða reikninga félagsins.
4. Félagsgjöld ákveðin.
5. Kosning stjórnar.
6. Formaður kosinn.
7. Skoðunarmaður reikninga kosinn.
8. Lagabreytingar (engar tillögur hafa komið fram um lagabreytingar).
9. Önnur mál.

Vinsamlegast tilkynnið Elísabetu þátttöku á betajona@hi.is eigi síðar en 5. júní. Hægt er að taka þátt í fundinum rafrænt gegnum Microsoft Teams og þeir sem þess óska fá sent Teams fundarboð.

 

Með ósk um góða þátttöku allra félaga.

Stjórn SÍP

Þann 15. febrúar var meðlimum SÍP boðið í Origo á góðan kynningarfund um CCQ.

CCQ er gæðastjórnunarlausn sem gerir léttara að halda utan um verkferla gæðahandbókar og ábendingar.

Við fengum góðfúslegt leyfi til þess að birta kynninguna hér á vefnum

https://intercom.help/ccq-help/en/articles/6995579-kynning-a-ccq

 

Við þökkum Mariu Hedman og samstarfsfólki hennar í Origo kærlega fyrir góða kynningu

Þann 15. febrúar kl 8:45-9:30 mun Samband íslenskra prófunarstofa (SÍP) í samvinnu við Origo standa fyrir kynningarfundi á CCQ gæðastjórnunarlausn. Origo býður upp á morgunkaffi í höfuðstöðvum fyrirtækisins Borgartúni 37, Reykjavík. Starfsfólk Origo mun útskýra hvernig CCQ gæðatjórnunarlausn heldur utan um stjórnkerfi samkvæmt ISO stöðlum, persónuverndarlögum og öðrum lögum og reglum.

 

Þetta er mjög gott tækifæri til að kynnast því hvernig léttara er að halda utan um verkferla gæðahandbókar og ábendingar.

 

ATH: kynningin hefst í Borgartúni 37 kl 8:45.

Origo mun bjóða upp á morgunverð á kynningunni.

 

Vinsamlegast skráið ykkur hér svo hægt sé að áætla fjölda:

https://docs.google.com/spreadsheets/d/1FLouQCoYrc8Y0-m_lE7RVxVBMU5ZoCrdY5il18FT8qE/edit?usp=sharing

Heimsókn í Marel

Samband íslenskra prófunarstofa þakkar kærlega fyrir góða heimsókn í Marel þann 30. nóvember 2022.

Tekið var vel á móti okkur af Sveini Kjarval, viðburðarstjóra Marels og Ólafi Hansen gæðastjóra.

Sveinn kynnti Marel og Ólafur gæðamál þess en þar er lögð áhersla á að lágmarka sóun en ekki einblínt á staðla.

Brynjar Ingi Óðinsson sagði frá bestun á framleiðsluferli með „lean“ nálgun sem

skilaði árangri langt umfram settum markmiðum. Að fyrirspurnum loknum var boðið upp á að horfa yfir framleiðslusalina.

 

Kynningin var mjög vel sótt af félagsmönnum og fór nokkuð fram yfir auglýstan tíma vegna mikils áhuga og margra spurninga. 

 

 

SÍP vill vekja athygli félagsmanna á vinnustofu í mælifræði loftlagsaðgerða

 

BIPM-WMO Metrology for Climate Action Workshop.

 

The workshop will take place online from 26 to 30 September 2022, hosted by the Bureau International des Poids et Mesures (BIPM) and the World Meteorological Organization, in collaboration with EURAMET - The European Association of National Metrology Institutes. 

 

Registration is free of charge, and it is open to experts and stakeholders active in the fields of climate science, observations, greenhouse gas (GHG) mitigation and measurement, modelling and measurement science willing to contribute to the development of recommendations on key technical challenge areas for metrology in these fields.

 

The week-long online event will examine progress and future requirements for metrologists to support climate change science, and identify gaps in provision and barriers to effective mitigation of climate change and impacts.

 

The output of the workshop will be a set of recommendations on key technical challenge areas for metrology over the next decade.

 

Further details, programme and registration are available on the workshop website. 

 

 

Vakin er athygli á tveimur námskeiðum sem Skilvirk Ráðgjöf býður upp á

Gæðastjórnunarstaðallinn ISO 9001:2015

Þann 28. september nk. verðum við með námskeið um gæðastjórnunarstaðalinn ISO 9001:2015 þar sem staðallinn verður kynntur, kröfur hans, innleiðingarferli og ýmsar hagnýtar upplýsingar.

Frekari upplýsingar um námskeiðið og skráningarform er að finna hér: Námskeið - ISO 9001 | Skilvirk

 

Innri úttektir

Dagana 12. og 13. október nk. verðum við með námskeið um innri úttektir í samræmi við staðalinn ISO 9001:2015. Þetta er yfirgripsmikið námskeið sem fjallar um undirbúning, framkvæmd, lok og eftirfylgni innri úttekta í samræmi við staðalinn ISO 19011 Leiðbeiningar um innri úttektir stjórnunarkerfa.

Frekari upplýsingar um um námskeiðið og skráningarform er að finna hér:  Námskeið - Innri úttektir | Skilvirk

Vakin er athygli á fríu vefnámskeiði sem Eurachem býður upp á um mælióvissu.

https://www.eurachem.org/index.php/events/workshops/433-wks-muihv-22 

Ágætu félagar!

Aðalfundur  SÍP verður haldinn miðvikudaginn 24. ágúst 2022 kl. 15.00.

Fundurinn verður í húsakynnum Mannvits, Víkurhvarfi 8, 203 Kópavogi.

 

DAGSKRÁ

1. Fundargerð síðasta aðalfundar lögð fram til samþykktar.
2. Formaður skýrir frá störfum félagsins á liðnu ári.
3. Gjaldkeri leggur fram endurskoðaða reikninga félagsins.
4. Félagsgjöld ákveðin.
5. Kosning stjórnar.
6. Formaður kosinn.
7. Skoðunarmaður reikninga kosinn.
8. Lagabreytingar (engar tillögur hafa komið fram um lagabreytingar).
9. Önnur mál.

Vinsamlegast tilkynnið Elísabetu þátttöku á betajona@hi.is eigi síðar en 22. ágúst. Hægt er að taka þátt í fundinum rafrænt gegnum Microsoft Teams og þeir sem þess óska fá sent Teams fundarboð.

 

Með ósk um góða þátttöku allra félaga.

Stjórn SÍP

Aðalfundur SÍP verður haldinn miðvikudaginn 24. ágúst. Staðsetning auglýst síðar en fundurinn verður einnig á Teams.

Félagsmenn eru hvattir til þess að mæta og taka þátt í mótun félagsstarfsins.

Samband íslenskra prófunarstofa þakkar kærlega fyrir góða heimsókn á Tæknisetur þann 16. mars 2022.

Tekið var vel á móti okkur af Guðbjörgu Hrönn Óskarsdóttur, framkvæmdarstjóra Tækniseturs, ásamt hópi starfsmanna úr hinum ýmsu greinum. Heimsóknin hófst á almennri kynningu á starfseminni og svo var gengið um og tæki og búnaður skoðaður.

Kynningin var vel sótt af félagsmönnum og fór nokkuð fram yfir auglýstan tíma vegna mikils áhuga og margra spurninga. 

Heimsókn á Tæknisetur

Heimsókn á Tæknisetur Heimsókn á Tæknisetur Heimsókn á Tæknisetur

Þann 16.mars kl 8:30-10:00 mun Samband íslenskra prófunarstofa (SÍP) í samvinnu við Tæknisetur standa fyrir kynningarfundi á starfsemi Tækniseturs. Tæknisetur er með aðsetur að Árleyni 2-8, þar sem kynningin fer fram.

Starfsemi Tækniseturs byggir á reynslu á sviði efnistækni, lífvísinda og orkumála og reynslu sem mikilvægur samstarfsaðili í bæði innlendum og erlendum rannsóknar og þróunarverkefnum. Hagnýtar rannsóknir og þróun eru mikilvægur hluti af starfsemi Tækniseturs.

Guðbjörg Hrönn Óskarsdóttir framkvæmdarstjóri Tækniseturs ehf. hefur umsjón með kynningunni.

 

Dagskrá kynningar er eftirfarandi:

• Almenn kynning
• Aðstaða skoðuð, gengið um og tæki og aðstaða skoðuð t.d. ramanlitrófsgreinir, röntgensneiðmyndatæki, rafeindasmásjá, hjólfarapróf, togþolstæki svo fátt eitt sé nefnt.
• Kaffi og spjall. Kaffiveitingar eru í boði SÍP.

 

 

Aðalfundur SÍP var haldinn 28. september 2021 í húsnæði Frumherja, Kletthálsi 1A og í fjarfundarkerfi.

Fundargerð aðalfundar ásamt skýrslu stjórnar má finna undir flipanum Fundargerðir og skýrslur stjórnar hér hægra megin 

Ný stjórn var kjörin, Halla Halldórsdóttir kemur ný inn og Hrólfur Sigurðsson hættir. Stjórnin þakkar Hrólfi fyrir gott starf í þágu félagsins. Elísabet Sólbergsdóttir gaf áfram kost á sér sem formaður og var kosin með öllum atkvæðum

Elísabet Sólbergsdóttir Rannsóknastofa í lyfja- og eiturefnafræði  -  formaður
Halla Halldórsdóttir Matís ohf, 
Guðgeir Svavarsson Frumherji hf. 
Elín Ásgeirsdóttir, Malbikunarstöðin Höfði hf.
Guðrún Eva Jóhannsdóttir, Mannvit hf.

Eurachem heldur vinnustofu um mælióvissu 19-22. janúar 2022

https://www.eurachem.org/index.php/events/workshops/394-wks-aqa2022

Þeir sem hafa áhuga er bent á að forskrá sig á síðu Eurachem