Vakin er athygli á fríu vefnámskeiði sem Eurachem býður upp á um mælióvissu.

https://www.eurachem.org/index.php/events/workshops/433-wks-muihv-22 

Ágætu félagar!

Aðalfundur  SÍP verður haldinn miðvikudaginn 24. ágúst 2022 kl. 15.00.

Fundurinn verður í húsakynnum Mannvits, Víkurhvarfi 8, 203 Kópavogi.

DAGSKRÁ

1. Fundargerð síðasta aðalfundar lögð fram til samþykktar.
2. Formaður skýrir frá störfum félagsins á liðnu ári.
3. Gjaldkeri leggur fram endurskoðaða reikninga félagsins.
4. Félagsgjöld ákveðin.
5. Kosning stjórnar.
6. Formaður kosinn.
7. Skoðunarmaður reikninga kosinn.
8. Lagabreytingar (engar tillögur hafa komið fram um lagabreytingar).
9. Önnur mál.

Vinsamlegast tilkynnið Elísabetu þátttöku á betajona@hi.is eigi síðar en 22. ágúst. Hægt er að taka þátt í fundinum rafrænt gegnum Microsoft Teams og þeir sem þess óska fá sent Teams fundarboð.

Með ósk um góða þátttöku allra félaga.

Stjórn SÍP

Aðalfundur SÍP verður haldinn miðvikudaginn 24. ágúst. Staðsetning auglýst síðar en fundurinn verður einnig á Teams.

Félagsmenn eru hvattir til þess að mæta og taka þátt í mótun félagsstarfsins.

Samband íslenskra prófunarstofa þakkar kærlega fyrir góða heimsókn á Tæknisetur þann 16. mars 2022.

Tekið var vel á móti okkur af Guðbjörgu Hrönn Óskarsdóttur, framkvæmdarstjóra Tækniseturs, ásamt hópi starfsmanna úr hinum ýmsu greinum. Heimsóknin hófst á almennri kynningu á starfseminni og svo var gengið um og tæki og búnaður skoðaður.

Kynningin var vel sótt af félagsmönnum og fór nokkuð fram yfir auglýstan tíma vegna mikils áhuga og margra spurninga. 

Heimsókn á Tæknisetur

Heimsókn á Tæknisetur Heimsókn á Tæknisetur Heimsókn á Tæknisetur

Þann 16.mars kl 8:30-10:00 mun Samband íslenskra prófunarstofa (SÍP) í samvinnu við Tæknisetur standa fyrir kynningarfundi á starfsemi Tækniseturs. Tæknisetur er með aðsetur að Árleyni 2-8, þar sem kynningin fer fram.

Starfsemi Tækniseturs byggir á reynslu á sviði efnistækni, lífvísinda og orkumála og reynslu sem mikilvægur samstarfsaðili í bæði innlendum og erlendum rannsóknar og þróunarverkefnum. Hagnýtar rannsóknir og þróun eru mikilvægur hluti af starfsemi Tækniseturs.

Guðbjörg Hrönn Óskarsdóttir framkvæmdarstjóri Tækniseturs ehf. hefur umsjón með kynningunni.

Dagskrá kynningar er eftirfarandi:

• Almenn kynning
• Aðstaða skoðuð, gengið um og tæki og aðstaða skoðuð t.d. ramanlitrófsgreinir, röntgensneiðmyndatæki, rafeindasmásjá, hjólfarapróf, togþolstæki svo fátt eitt sé nefnt.
• Kaffi og spjall. Kaffiveitingar eru í boði SÍP.

Aðalfundur SÍP var haldinn 28. september 2021 í húsnæði Frumherja, Kletthálsi 1A og í fjarfundarkerfi.

Fundargerð aðalfundar ásamt skýrslu stjórnar má finna undir flipanum Fundargerðir og skýrslur stjórnar hér hægra megin 

Ný stjórn var kjörin, Halla Halldórsdóttir kemur ný inn og Hrólfur Sigurðsson hættir. Stjórnin þakkar Hrólfi fyrir gott starf í þágu félagsins. Elísabet Sólbergsdóttir gaf áfram kost á sér sem formaður og var kosin með öllum atkvæðum

Elísabet Sólbergsdóttir Rannsóknastofa í lyfja- og eiturefnafræði  -  formaður
Halla Halldórsdóttir Matís ohf, 
Guðgeir Svavarsson Frumherji hf. 
Elín Ásgeirsdóttir, Malbikunarstöðin Höfði hf.
Guðrún Eva Jóhannsdóttir, Mannvit hf.

Eurachem heldur vinnustofu um mælióvissu 19-22. janúar 2022

https://www.eurachem.org/index.php/events/workshops/394-wks-aqa2022

Þeir sem hafa áhuga er bent á að forskrá sig á síðu Eurachem

Aðalfundur SÍP verður þann 28. september næstkomandi.

Fundurinn verður haldinn í húsakynnum Frumherja að Kletthálsi 1A ásamt því að vera fjarfundur.

Sem fyrr hvetjum við að sjálfsögðu alla félagsmenn til þess að mæta og taka með því virkan þátt í að móta félagsstarfið. Þeir sem vilja taka þátt í fjarfundi geta haft samband við gudruneva @ mannvit.is

Með kveðju, 

Stjórn SÍP

Stjórn SÍP hefur tekið ákvörðun um að færa aðalfund fram í september vegna covid-takmarkana.

Stefnt er á að halda fundinn þriðjudaginn 14. september, bæði sem hefðbundinn fund og sem fjarfund.

Við hvetjum að sjálfsögðu alla félagsmenn til þess að mæta og taka með því virkan þátt í að móta félagsstarfið.

Stjórn SÍP

Eurolab, samband prófunarstofa í Evrópu, fagnaði 30 ára starfsafmæli 2020 og heldur aðalfund þann 27. apríl 2021 á netinu https://www.eurolab.org/newsarticles/SAVE-THE-DATE%3A-EUROLAB-General-Assembly%2C-27-April-2021%2C-12%3A00h-%E2%80%93-16%3A00h---Remote-conference

Eurachem mun einnig halda sinn aðalfund á netinu dagana 20-21. maí 2021 https://www.eurachem.org/index.php/events/calendar/icalrepeat.detail/2021/05/20/30/-/eurachem-general-assembly-2021

Elísabet Sólbersdóttir, formaður SÍP, kynnti félagið fyrir þátttakendum Steinsteypudagsins 2020. Kynninguna er að finna undir flipanum Fundargerðir og skýrslur stjórnar hér til hliðar.

Aðalfundur SÍP var haldinn á Rannsóknarstofu Mannvits, Víkurhvarfi 8, 203 Kópavogi og í fjarfundarkerfi Microsoft Teams, þann 30. september 2020 kl 15:00

Fundargerð aðalfundar ásamt skýrslu stjórnar má finna undir flipanum Fundargerðir og skýrslur stjórnar hér hægra megin

Ný stjórn var kjörin, Guðgeir Svavarsson hjá Frumherja kemur nýr inn og Hallgrímur S. Hallgrímsson hættir. Stjórnin þakkar Hallgrími fyrir gott starf í þágu félagsins. Elísabet Sólbergsdóttir gaf áfram kost á sér sem formaður og var kosin með öllum atkvæðum

Elísabet Sólbergsdóttir Rannsóknastofa í lyfja- og eiturefnafræði  -  formaður
Hrólfur Sigurðsson Matís ohf, - ritari
Guðgeir Svavarsson Frumherji hf. 
Elín Ásgeirsdóttir, Malbikunarstöðin Höfði hf.
Guðrún Eva Jóhannsdóttir, Mannvit hf.

Stjórn SÍP hefur tekið ákvörðun um að fresta aðalfundi fram í september. Nánari tímasetning verður auglýst síðar. 

Með von um góða þáttöku í september.

Stjórn SÍP

Vegna eftirspurnar höfum við bætt við öðru námskeiði.

Dagana 14 - 15 janúar n.k. mun Samband íslenskra prófunarstofa (SÍP) í samvinnu við Jensen ráðgjöf halda námskeið um nýjustu útgáfu ÍST EN ISO/IEC 17025:2017: Almennar kröfur varðandi hæfni prófunar- og kvörðunarstofa.

Markmið námskeiðsins er að þátttakendur geti beitt kröfum staðalsins til þess að koma á, innleiða, viðhalda og gera umbætur á stjórnunarkerfi fyrir prófunar- og kvörðunarstofur

Meðal dagskrárliða námskeiðsins eru

• Farið almennt yfir ISO/IEC 17025
• Meginbreytingar í 2017 útgáfu
• Skilgreiningar
• Kröfur staðalsins
• Spurningar og verkefni
• Umræður og samantekt

Námskeiðið eru tveir hálfir dagar:

14. janúar 12:30 til 17:00 og 15. janúar 8:30 til 12:00.

Glærum á pdf formi er dreift með tölvupósti 36 klst á undan námskeiði.

Staðsetning námskeiðsins er í sal Staðlaráðs Íslands í Þórunnartúni 2, 105 Reykjavík.

Verð fyrir félagsmenn er 38.000 kr en 68.000 kr fyrir utanfélagsmenn, innifalið er kaffi og meðlæti.

Skráning á námskeiðið fer fram í tölvupósti á betajona@hi.is og skráningarfrestur er til 10. janúar Athugið að einungis takmarkaður fjöldi kemst að.

Dagana 11-12. nóvember n.k. mun Samband íslenskra prófunarstofa (SÍP) í samvinnu við Jensen ráðgjöf halda námskeið um nýjustu útgáfu ÍST EN ISO/IEC 17025:2017: Almennar kröfur varðandi hæfni prófunar- og kvörðunarstofa.

Markmið námskeiðsins er að þátttakendur geti beitt kröfum staðalsins til þess að koma á, innleiða, viðhalda og gera umbætur á stjórnunarkerfi fyrir prófunar- og kvörðunarstofur

Meðal dagskrárliða námskeiðsins eru

• Farið almennt yfir ISO/IEC 17025
• Meginbreytingar í 2017 útgáfu
• Skilgreiningar
• Kröfur staðalsins
• Spurningar og verkefni
• Umræður og samantekt

Námskeiðið eru tveir hálfir dagar:

11. nóvember 12:30 til 17:00 og 12. nóvember 8:30 til 12:00.

Glærum á pdf formi er dreift með tölvupósti 36 klst á undan námskeiði.

Staðsetning námskeiðsins er í sal Staðlaráðs Íslands í Þórunnartúni 2, 105 Reykjavík.

Verð fyrir félagsmenn er 38.000 kr en 68.000 kr fyrir utanfélagsmenn, innifalið er kaffi og meðlæti.

Skráning á námskeiðið fer fram í tölvupósti á elina@malbik.is Athugið að einungis takmarkaður fjöldi kemst að.